我羅拉有時都唔係幾明，韓國藝能界有個傳統，就係藝人情侶一定俾人睇死，遲早分手收場。好似申鉉濬同宋締英呢對多年愛侶分手後，大家嘅目標就轉移到韓高銀同組合god嘅隊長朴俊亨嘅戀情。原本唔肯為新劇《bodyguard》剪短髮嘅韓高銀，呢排走去剪到短一短，又因為各有各忙同男友少咗見面，分手傳聞即刻傳到似層層，激到韓高銀話：「我日日同俊亨唔知傾幾多次電話呀！」