每到假日，旺角金魚街（通菜街）都必定擠得水洩不通，老老幼幼踎喺舖頭門口揀金魚、睇金魚，就算對金魚無興趣的朋友，都可以看看這種有趣的景象。以前行金魚街的大多是老一輩，隨着品種愈來愈多，加上近期《海底奇兵》的電影效應，令人對七彩繽紛的海水魚大感興趣。順應潮流，今日就帶大家到金魚街走一轉，精選幾間特色店舖之外，再落埋海底來個深海歷奇，行程緊湊，重等乜？即刻起程喇！
記者：黃婉冰、邵超 攝影：楊錦文、陳智良、伍慶泉
ImageGirl：YoYo、黃榕、Joey、亞健；Kin（Sunspot）
今日食得好
食完豐富晚餐，再品嘗精美甜品，這頓晚餐才稱得上完美。Mr.Steak最近就推出甜品Buffet，每位顧客只要惠顧滿$200，就可以免費任食十多二十款精美甜品，包括即叫即做的鮮果班戟或窩夫、梳乎厘、Homemade芝士餅、香滑鮮果奶凍、香焗脆皮蘋果批、香蕉撻、鮮果杯、焗西米布丁、燉蛋、朱古力蛋糕、香脆曲奇及七彩啫喱等，啱晒一眾甜品迷！
店名：Mr.Steak
地址：灣仔港灣道28號三里屯一樓10號舖
電話：28021128
要數最受歡迎上海點心，小籠包必定名列前茅，尤其是新鮮滾熱辣，啱啱出籠嘅小籠包就最正。最近京滬飯莊就推出特價小籠包，一籠五隻都只係$18，全日供應，全部即叫即做，熱騰騰，皮薄多汁，小籠包迷可以趁機大吃特吃！
店名：京滬飯莊
電話：26289888
地址：旺角太子道西193號新世紀廣場7樓
想食一碗平靚正雞粥何須老遠入到沙田，以自家飼養靚雞出名嘅華香雞最近又有優惠下午茶推出。每日下午三點至五點半呢段下午茶時間，都會有幾款特價食品任揀，招牌華香雞粥就係其中之一。除雞粥外，另有皮蛋瘦肉粥同柴魚花生粥，每碗$13，當做下午茶都幾化算！
店名：華香雞
電話：23950730
地址：旺角通菜街165號地下
今日玩餐飽
今日起每逢星期六及日，只要到黃埔新天地就可以同迪士尼可愛卡通貓Marie見面喇！除Marie之外，大會重請來名模Rosemary、李嘉慧、傅天穎、歐陽妙芝、樋口明日嘉等演繹RaneeKwok最新款時裝。4點至5點小朋友重可以上台比賽唱歌、畫畫同填顏色，勝出者更有豐富禮物，重唔快啲報名！
地點：紅磡黃埔新天地時尚坊
時間：下午3時至4時
查詢電話：21287710
生果唔單止可以在炎炎夏日幫你消暑解渴，重可以用來砌出各種各樣得意動物！想知點樣可以將生果大變身，記得今日去屯門時代廣場，屆時除有專人示範用生果砌出小動物外，重會有舞蹈調酒師，一邊勁歌熱舞一邊用生果調製不同特飲，有得睇有得食，呢個夏天唔再熱辣辣！
地點：屯門時代廣場
時間：下午4時至5時
查詢電話：27500031
今日新元朗中心，將會有一個名為慈善名人名廚美食嘉年華活動。屆時會有歌影視紅星及城中名廚同大家分享健康美食心得，更會親自下廚以保良局不同服務為題創作多款愛心美食，可以同偶像近距離接觸之外又可大飽口福，一舉兩得。今日之後，呢個嘉年華重會繼續在不同地方舉辦，切勿錯過！
地點：新元朗中心
時間：下午3時至4時
查詢電話：27500031
今日買平嘢
市道唔好，每買一樣嘢都要計過度過，務求格到最低價為止。屈臣氏就推出「最低價保證」，顧客可以用低過市面零售商舖的價錢購買各種個人護理及保健用品，公司更保證，如顧客於一日內發現「最低價保證」產品，在其他零售店的售價更低時，即可獲差額雙倍奉還退款，買得抵，自然慳得多。
查詢電話：26088383
「尋找成功路」資料套
經濟不景，不少人都想搞吓小生意，若然你都有這個想法但又不知從何入手，機會嚟啦！香港電台電視部同香港電腦學會聯合製作了一輯「IT檔案III」的節目，內容是由嶺南大學學者從管理學角度分析十個成功創業個案的營商要訣，現在製成資料套，包括DVD及一冊96頁的畫刊。現由工業貿易署中小企業發展支援基金資助，以先到先得形式在網上免費派發，只要登入教育電視網址，再進入「IT檔案III」登記就可以取得，送完即止。
查詢電話：23393124
網址：
