唐英年走馬上任，當特區第三任財政司司長，本來當局已經為佢準備好兩位新左右手，不過，「唐公子」似乎情有獨鍾，將原來工商及科技局嘅政務助理袁莎妮（Shirley）帶埋去財司辦公室。原本剛到位嘅林國強，又要再等候新任命，睇吓去邊。
其實，對啲萬能嘅政務主任AO嚟講，做邊個位都一樣。何況財爺嘅新秘書羅志康、袁莎妮以及林國強，都喺九一年就一齊考入政府做政務官，邊個服侍唐公子都一樣。既然合拍開，就費事換嚟換去咁麻煩。
唐公子上任後千頭萬緒，搬屋一事要慢慢來。佢呢個星期一同二，會分批會見傳媒，之後會繼續見人聽意見。至於就預算案展開嘅諮詢，就未開始得咁快。
（圖）唐公子用人果然有自己的一套。
傳真︰2623-9278
電郵︰