環球二人女子組合2R的成員Rosanne及Race以愛心大使身份與挑戰之星蕭正楠昨日出席在麗港城舉行的「挑戰12小時」福袋義賣Show。
2R昨日捐出自製頸鏈義賣，底價一百元，結果現場觀眾以一百七十元投得，Rosanne說：「我哋好鍾意自製小飾物，屋企起碼有過百件製成品，又可以襯唔同嘅衫，又可以慳番唔少。我哋會去旺角買材料，我哋幾乎可做旺角代言人，不過試過有次俾人博懵，嗰個男人行嚟行去撞我哋幾次，結果我哋惟有攬住個手袋護胸。」
此外，蕭正楠昨日一改斯文形象蓄起鬍子，近日無綫正播放由他主演的新劇《戀愛自由式》，他說：「我阿爸有幫我錄起套劇，而且每日不停重複睇好多次，搞到我阿媽都話好煩，我諗阿爸應該係我嘅頭號老年fans。」
採訪、攝影：卓美娟