凌志慈善尋寶歷奇之旅邊玩邊籌款

比賽之餘重可以共襄善舉，既能娛己又能造福社會，何樂而不為呢？上星期，香港凌志會（LexusClub）搞咗個「慈善尋寶歷奇之旅」，一眾參賽車輛需要響兩小時嘅時限內，透過一系列別出心裁嘅問題，到指定地點找出答案，又或者到有關檢查站蓋章記錄，以取得分數；至高分數者，便成為是次尋寶之旅嘅冠軍呢！

記者：李勤
圖片由皇冠汽車提供

全家總動員尋寶
平日或許公務繁忙，鮮有跟家人共聚天倫，惟今次比賽，筆者發現有唔少參賽者，均以家庭為單位，大多以男士任司機，女士及小孩則負責計劃行程，還有在指定地點找尋答案，過程既緊張又有趣。而筆者跟一眾傳媒朋友亦樂在其中，分駕多部「凌志」參賽，既爭分奪秒，又要盤算路程，雖然最終未能勝出，惟是次有幸跟「凌志會」朋友奪寶之餘，能替培才教育基金（網址：www.clfl.org ）累積籌得近十萬元善款，倒真好有意義㗎！據聞，嚟緊「凌志會」又會搞「防衞駕駛日」，領悟危急關頭下嘅駕駛技術外，重可以籌款作公益，真係好有意義㗎！

■旗號一揮，每部參賽車輛須於兩小時內，完成指定旅程。

■是次比賽獲香港加德士有限公司贊助，參賽車輛更需要到指定油站蓋印，以換取積分。

■其中指定動作，需要同車乘客到指定地方拍照作紀錄。

■時限屆滿前抵達目的地，終可鬆一口氣。