「鐵蝴蝶」任關佩英退休後，玩票性質喺港台開咪。噚日佢訪問好姊妹——「眾人媽打」李麗娟。兩個人講起當年，講到興高采烈。原來，兩人喺二十年前，一齊被政府送去哈佛進修，李麗娟買咗架由曾蔭權轉讓畀許仕仁、再轉讓畀苗學禮嘅「錢七」。有次，兩個人揸車去唐人街，李麗娟泊車時揩咗人哋架車，正想落車搵車主之際，任關即刻喝停佢話：「呢度係紅燈區，你落車畀人溶咗都似。」嚇到李麗娟匆匆開車鬆人。
任關佩英原來視李麗娟一對仔女如契仔、契女。節目期間李麗娟個仔Chris，特登致電問候任關佩英。Chris喺紐約工作，前日大停電屋企架𨋢停駛，要行返上三十幾樓返屋企，行到腳都軟埋。
任關佩英又公開幫李麗娟搵新抱，追問Chris有冇女朋友。Chris笑言，不妨介紹啲二十零歲嘅女仔畀佢。
傳真︰2623-9278
電郵︰