聯交所行政總裁周文耀同電盈董事總經理蘇澤光唔只係港大同學，原來重係中學同學，都係喇沙仔，又係新證舊同事。難怪當日去睇皇馬同中港聯隊比賽，見到周總裁出現喺電盈包廂，非常畀面。
周文耀鍾意人哋叫佢做阿Paul，佢接咗鄺其志個燙手山芋之後，唔到四個月就見成績，首先係手起刀落，先同聯交所減肥。佢笑話肥膏已經剩番好少，再減驚啲公司叫佢減價；其次佢都笑自己好命，上場之後個市不斷上升，五月初每日成交只有六、七十億，恒指剛八千幾點；現在成交破一百億，恒指過一萬點。八方請教佢投資之道。大家聽住：要穩陣，將資金一半放股市，一半放債券，每半年睇睇，唔啱比例就調校一下，咁就冇蝕底。
傳真︰2623-9278
電郵︰