執Tiffany二攤　生仔當肚痛
2RRosanne作動　Kenny接生唔敢望

李蘢怡（Tiffany）本在無綫青春劇《當四葉草碰上劍尖時》中扮演大肚婆，但因為時間配合不到，被迫辭演，最後由2R的Rosanne頂上。Rosanne表示不介意執二攤，拍攝前更問媽咪如何扮生仔。

無綫近日開拍青春劇《當四葉草碰上劍尖時》，男子組合Boy'Z、Shine和女子組合2R的Rosanne等前晚在清水灣電視城趕戲，劇情講述Rosanne是一名大肚婆，因為突然作動，Boy'Z的Kenny就為她接生。Rosanne的這個角色原意是由李蘢怡飾演，但因為她的工作檔期不配合而辭演，改由Rosanne執二攤。

「有乜都做」
Tiffany前晚在中環出席一個宣傳活動時說：「本來《當》劇係我第一套嘅電視劇，但度唔到期，所以冇辦法。」Rosanne雖然日前才接到要拍攝該劇的通知，但她並不介意，她說：「有乜都做，當係一個好經驗。我之前都睇過人哋點扮大肚婆，亦問過媽咪，佢教我演生仔好似肚痛咁，但生仔嘅表情就痛苦十倍。」為Rosanne接生的Kenny說：「我咁大個仔都冇望過女仔嗰度（指下體）。」

天佑傷眼角
此外，Shine昨日到商台出席「熱血廢人」記者會時，以苦榮look示人，十分搞笑，天佑透露日前拍攝劍擊場面時由於沒有戴上面罩，所以拍檔又南不小心弄傷其眼角，他說：「由於我哋兩個都唔識，其實都幾危險。」
而Boy'Z昨日則到又一城出席「Boy'Z偶像全接觸」活動，二人透露以六位數的酬勞擔任一年FILA運動鞋代言人，Boy'Z於活動中更與歌迷玩遊戲。
採訪：卓美娟、楊潔雯
攝影：何國豪