全能球技大挑戰　睇你係咪瓣瓣精

一個真正籃球員當然要帶、傳、射球樣樣皆能，如果獨沽一味，好波極都有限。「Nikebattleground亞洲籃球火‧拼‧鬥」就推出全能球技大挑戰，想知自己有幾勁就要試吓嘞。
文：盧漢傑　圖：張家俊

全能球技大挑戰取材自上屆NBA明星賽的新增比賽──Skillschallenge，球員需圍繞球場走一圈，並通過不同測試，最快完成測試的球員便勝出。第一個考驗就是運球走籃，參賽者先在起點取球出發，運球上籃，射入就可進入第二個測試。

比賽之餘記緊細節
第二關是考驗參加者的運球能力，球員需左右繞過四個障礙物。之後第三及第四關測試參加者的傳球，他分別要胸前傳球和彈地傳球，傳入直徑兩呎的圓圈，參加者有四次傳球機會，如四次都不入亦當過關。
第五關考驗球手的跳投能力，球手可在罰球線黑圈範圍內射球，並有四次機會，如四次都不入亦當過關。之後通過長傳考驗，球員先大叫「outlet」，然後用力傳入傳球箱的圓圈。最後一關是一口氣運球越過障礙物，然後上籃，直至射入便算完成比賽，而球員每犯一次失誤，便會被罰加五秒。
港隊小前鋒呂楚威就向大家教路，他說：「參加者最緊要定，愈心急就愈易錯，同埋要緊記一些細節，好似叫『outlet』，咁樣被罰五秒就好唔抵。」
第三天初賽繼續在下午十二時半舉行，現場或尚有少量名額，已報名battleground三人賽的十九歲青少年就要把握機會參賽。