美加噚日突然大停電，嚇到好多人以為恐怖襲擊，連眾人契媽李麗娟都（圖）唔例外。原來契媽囝囝喺紐約做會計師，噚日朝早七點幾，契媽一起身知道大停電，馬上打電話搵仔，點知打兩個幾鐘頭都打唔通，嚇到佢三魂唔見七魄，事關九一一撞機之後，契媽都第一時間搵到個仔，結果佢連朝早開會都趕唔切，要叫民政事務總署署長陳甘美華頂住先。
好彩最後知道乜事都冇，電話打唔通都只係因為jam線，而佢囝囝要由第四十幾街行返第八街，阿媽諗住陪佢一路行一路講電話，等佢冇咁驚，點知原來個仔根本一啲都唔驚，驚嘅係契媽本人啫。
傳真︰2623-9278
電郵︰