來自新加坡的姊妹花組合2R，在港發展約一年，但原來二人竟是旺角地頭蟲，日前2R在旺角逛街時還捐窿捐罅找廉價美食，不過旺角人多擠迫，兩人最怕逛街時被揩油。
環球二人女子組合2R的Rosanne和Race來港只有一年多，二人初抵港時居於何文田區，經常要從旺角轉小巴回家，難怪2R對旺角十分熟悉，姊姊Rosanne還笑說：「我哋係旺角妹。」
日前2R同遊旺角，妹妹Race笑說：「Followme（跟我來）！我帶你去食十蚊冷麵！」Race一直走到近家樂商場附近的一家小食店，買了兩袋冷麵及海蜇，轉頭Race又跑去買糖，因她當晚要拍攝無綫新劇，故她便打算買糖請台前幕後吃。
Race邊行邊吃之際，Rosanne就到了另一家小店覓食，二人沿途已被不少人認出，故紛紛尾隨湊熱鬧，至Rosanne去買刨冰時，店主不但賣大包買一送一，還總動員走出店外，要求與2R合照，其他fans見狀，即取出手機及相機影相。
事後2R說：「我哋以前都成日行旺角，日頭行就唔怕雜嘅，不過我哋好少行女人街，因為怕啲人博懵，有啲男人行路係咁撞埋嚟，雖然用手擋住，但你都睇到佢想撞你邊度，行出面啲街就好啲囉。我哋覺得旺角好多嘢買，次次嚟都會掃嘢食，促進香港經濟吖嘛！」
採訪：朱芷瑩 攝影：仇志德
