鄭裕玲（嘟嘟）與聯合國兒童基金會副主席陳方安生，昨日在跑馬地出席該會香港區辦事處舉行的「沒有童夢的國度」記者會，大會公布嘟嘟與陳太在本月二十五日將同赴亞洲最貧窮的國家老撾作親善探訪。
嘟嘟表示今次是首次參與親善探訪，她說：「之前已經打咗預防甲型肝炎同傷寒嘅針，希望呢次探訪可以喚醒香港人去幫助呢啲貧困嘅兒童，亦希望提升自己嘅價值觀，唔好淨係掛住搵錢。今次同陳太一齊去探訪，相信可以喺佢身上學到好多嘢。」
嘟嘟自言男友呂方亦令她有很大轉變，她說：「佢令我開心好多，冇咁執着，脾氣好好多，價值觀唔同咗。」被問到可會考慮助養兒童時，她說：「我好驚同人有太多感情上嘅接觸，去完呢個探訪先算啦！」
採訪：卓美娟
攝影：陳慧安