江華、顧紀筠和關禮傑昨日到將軍澳東港城出席「舊書回收義賣大行動2003」開幕禮，江華表示以前看書例必「瞓覺」，不過後來就慢慢喜歡有關佛學的書，江華說：「我啲仔女亦都係自細培養睇書嘅習慣，佢哋都會跟我一樣睇佛書，有時我哋三個人一齊睇一本書，真係好溫馨㗎。」
江華將會在九月約滿無綫，續約條件已經傾得七七八八，江華說：「人工起碼加咗超過五成，不過我最想拍一啲有教育意義嘅劇集，因為電視對小朋友影響好大。」
此外，關禮傑昨日帶同太太及女兒一齊出席活動，關禮傑表示下周會一家人去日本旅行。而九月他亦會替無綫到南非拍攝旅遊特輯，到時妻兒會同行，實行寓工作於娛樂。
採訪、攝影：王崇穎