Cookies日前為賀出碟，齊齊冒雨去街市買餸玩煮飯仔，惜四餅卻被雞隻嚇到雞飛狗走，非常搞笑；不過，她們也頗受街坊歡迎，不但能以二十九元買到燶瘦叉、生果兼蛋撻，更有司機當街停下貨車，向四位餅女索取簽名。
四人女子組合Cookies日前為慶祝推出新碟，便相約往灣仔鵝頸橋街市買餸，打算到唱片公司同事家中大玩煮飯仔。不過，四餅貴人招風雨，一到埗便隨即下雨，幸好她們早有準備，馬上擔起雨傘繼續行街市。
不過，當四餅走到一雞檔時，Kary就率先大叫：「我怕雞呀！」檔主見狀便主動從籠內取出生雞，但四餅一見雞隻狂拍雙翼，即時嚇到彈開兼雞飛狗走，場面非常搞笑。經過商議後，她們決改購生果、燶瘦叉及蛋撻取代，由於Cookies廣受街坊及店主歡迎，所以檔主紛紛賣大包，四位餅女最後只花掉二十九元便已購得大堆食物。
Cookies行街市期間，有不少學生檔主均向她們索取簽名，甚至更有貨車司機在駕車經過四餅身邊時，向Stephy大叫她所主演《戀愛自由式》劇中、泳將最厲害之必殺技「破冰轉身」，司機還笑說：「破冰轉身呀！唔該幫我簽個名呀！」最後他更索性當街停車，待四餅輪流簽名後才開車離去。
此外，四餅已有半年未曾推出唱片，今次是她們改成四人組合後首次出碟，故她們除對新碟有期望外，亦會想起之前九餅的快樂時光，四餅說：「我哋到𠵱家都有同其他成員聯絡，但要約齊晒出嚟就比較困難，所以呢次出新歌加精選，其實都可以當作係對Cookies嘅一個年度總結。」
採訪：朱芷瑩 攝影：仇志德
