七月一日之後，梁家傑同余若薇兩位大律師都人氣急升。八方早前見到佢兩人，問佢哋咁多市民擁戴，係咪欲罷不能，唔選立會唔得？點知佢哋都係笑笑口話「考慮緊、考慮緊」。
冇耐佢兩個先後去咗放假充電。呢幾日，梁家傑度假完畢返港，八方又問佢諗好未？佢嘅答案仍然係「重諗緊，重要同多啲人傾吓。」
梁家傑堪稱人民律師（People'slawyer），因為佢多次公開講嘢都強調，市民有法律問題，佢一定幫手解答，好似爭取普選係完全合乎《基本法》嘅規定，冇問題咁。呢位人民律師同八方講，一旦參選從政，佢最擔心就係冇時間全心全意去做資深大律師嘅工作，而佢自從升咗做Senior之後，忙於做公會嘅嘢，後嚟重做埋主席，所以今次真係要認真諗清楚。
睇嚟，都係要畀啲時間佢；雖然，有人連選區都幫佢搵埋，話新界東最好。
（圖）梁家傑未決定是否選立法會。
傳真︰2623-9278
電郵︰