萬事得多個車系獲NHTSA給予五星最高安全評級

最近，美國國家公路交通局(NHTSA)於其網站（網址為www.nhtsa.dot.gov），上載咗最新2003年撞擊測試結果，其中萬事得汽車在港有售嘅多個型號，如Mazda6（下圖）、MX-5（右圖）及MPV多個車系，均獲得五星級嘅最高評級呢！
NHTSA所進行嘅撞擊測試，包括正面撞擊，側面撞擊及翻側等項目，以測試駕駛者及乘客喺遇上意外撞擊時嘅受傷程度。測試結果以五星來評級，五星為最高評級，即表示駕駛者、前座乘客及後座乘客受傷程度為最低，僅為5%至10%。
而最新推出嘅Mazda6、熱門開篷跑車之一嘅MX-5，以及MPV，喺正面及翻側撞擊測試上，均獲得最高嘅五星評級，表示咗如Mazda6、MX-5及MPV喺遇上撞車意外時，車內駕駛者及前座乘客，包括頭部、胸部及腳部，嚴重受傷機會低於10%。
事實上，萬事得喺汽車安全設計上，充份表現咗車廠對研製汽車技術嘅智慧，例如3H安全車身陣架強化設計，令車輛遇上撞擊時，能有效地分散各個方向（上、左及右）嘅撞擊力，能保護駕駛者及乘客安全外，並可減低車架扭曲程度。