名牌Fendi昨日於其中環置地廣場店，舉行秋冬新裝show，Fendi要員劉清儀挺着七個月大肚子在場打點，並透露已照超聲波知道是男嬰。她更稱早前沙士肆虐，曾考慮往美國分娩，不過現在疫情受控，故改變初衷放心在港待產。
名牌Fendi昨日在其中環置地廣場店舉行二○○三秋冬新裝show，名模陳嘉容、樂基兒、LisaS.及JessieLeong等示範富有未來色彩的新裝。
Fendi一系列新裝剪裁修身，其中不乏一件頭裙子及迷你短裙。用料則是Fendi最馳名的包括波斯羔羊毛及蒙古羔羊毛等，配上金屬色彩，令新裝散發非凡魅力。
昨日懷有七個月身孕的Fendi要員劉清儀，挺着大肚子在場落力打點，她表示已往醫生處照了超聲波，肚內BB是男嬰，她說：「我都早有準備，買BB衫都係買啲中性嘅顏色。」
問劉清儀其實希望生仔還是生女？她說：「我冇乜所謂嘅，不過生女就可以幫佢扮靚，我老公就想我生仔多啲，佢話個仔大個，可以陪佢睇波喎。」
問劉清儀打算自然分娩還是開刀生？她說：「我好想試吓自然分娩，五月嗰排沙士疫情最嚴重，我專登去美國搵醫生，諗住喺美國生。好彩𠵱家香港嘅疫情都已經受到控制，我多數會留番喺度生。」問她有沒有戒口？她說：「都冇乜特別，係戒咗芒果，我諗大閘蟹都唔食得啦。」
採訪：DebbieLum
攝影：MatthewLam
