好耐冇露面嘅前「國師」葉國華，噚日因為佢檔政策研究所九月聯同陸恭蕙檔思匯政策研究、張炳良嘅新力量網絡喺會展開壇，請埋兩岸三地同海外學者為香港把脈，所以要現身開記者會。
記者見到呢位前國師，梗係問下佢港、台關係，佢都話唔明老董點解要由民間搞，變為由官方搞，事關分分鐘會違反「錢七條」，至於早排盛傳佢俾馮國經收為幕僚，葉國華聽見立刻耍手擰頭，大呼絕無其事，當時佢身在海外，真係唔知風從何處來。
至於7.1佢有冇去遊行，葉國葉就左閃右避，一時話由辦公室窗口望到遊行大隊，一時又話自己喺辦公室周圍行行企企，又去茶樓聽吓民意，咁算唔算有去？
傳真︰2623-9278
電郵︰