今年暑假壓軸大Show「大中華遊戲嘉年華」，會喺今個月22?4日於鑽石山荷里活廣場舉行，除咗有《RAINBOWSIX3》亞太區總決賽，同Cosplay《櫻大戰》睇之外，連9月先推出嘅PS2《GUNDAM～相逢在宇宙編》，同SQUAREENIX嘅《DRAG-ONDRAGOON》都有得試玩，呢兩隻連日本都未有得玩，今次香港機迷可以率先試試，SCEH真係畀足面香港人，今次重要係完全免費入場，怕且都冇乜理由唔去！
據代理表示XBOXLIVE嘅HKBETATest即將展開，憑購買主機附送之換領表格，即可參加香港XBOXLIVE測試員招募計劃之大抽獎，想率先體驗香港本土嘅XBOXLIVE，不妨諗諗佢。
今年暑假家用機大作真係十隻手指數得晒，續集充斥不過新意欠奉，反過嚟手提機就冇家用機咁濫，起碼會搞搞新意思先，好似《我們的太陽》要照住嚟玩咁新奇抵死，《ShinningSoul2》一班人開Party咁玩，所以好多舖頭都話GBA先係今個暑假嘅BestSell，月尾《新約聖劍伝說》又係好嘢嚟，重有年尾必爆嘅《鐵腕小飛俠》，今次由大廠SEGA操刀，必買！
文：打機鐵人