冷氣呢樣發明認真偉大，否則大熱天時攝氏三十幾度，重邊會有心情打邊爐食火鍋呢？可能就係因為𠵱家食火鍋已經不受天氣所限，所以就算近排天氣咁熱，都有火鍋店陸續登場，其中呢間中華魚頭火鍋城除咗主打成都風味魚頭火鍋外，重有勁辣嘅四川菜式，大熱天時食到全身熱辣辣原來一樣過癮。
記者、攝影：馬慶武
重慶紅油麻辣湯底$48
淡水花鰱魚頭肉多肥美，當中魚唇部份更係又滑又嫩，絕對係精華所在。另外除麻辣湯底外，還可配上成都風味湯底，以番茄、牛油、鮮蝦等材料熬製，酸酸甜甜又別有風味。
唔係一味勁辣，辣得嚟充滿辣椒香味，而且牛肉好腍好入味，絕對值得「挑戰」。
較有特色嘅火鍋配料，黃喉即係黃牛嘅喉部，爽口得嚟又有少少韌，口感好得意。
雞肉埋喺一大堆火紅辣椒下，賣相極度嚇人，不過如果只食雞肉，辣味唔會太誇張。當然愛辣嘅就一定要食埋旁邊嘅辣椒先夠過癮。
地址：炮台山英皇道250號北角城中心2樓
電話：28063003
營業時間：24小時