紮髻露額一樣掂<br>蔣怡狂食芝麻護髮 烏卒卒

紮髻露額一樣掂
蔣怡狂食芝麻護髮 烏卒卒

名模蔣怡由於前額飽滿,近日獲髮型師朋友青睞,邀請她出任髮型屋的廣告模特兒,並示範了兩款髮髻,造型十分特別。蔣怡表示並沒有特別的護髮心得,但平時喜歡進食芝麻製造的食品,可令秀髮更光亮。

名模蔣怡近日出任髮型屋HAIRSIXTYONE的模特兒,並拍攝了新一季髮型廣告,該店的髮型師Sidney更特別為蔣怡設計了兩款髮髻,以突出蔣怡的前額線條。

起初並不習慣
蔣怡平日喜歡留碎陰,她覺得自己的前額有太多碎髮絲,故此很少露出額頭,蔣怡日前在電話中說:「呢次髮型師好鼓勵我試吓,都算係一個新嘗試,我都幾鍾意嗰兩款髮型,不過因為平時真係好少露額,所以最初睇都唔係好慣。」
提到平日的護髮心得時,蔣怡說:「我都冇乜特別食療,但我好鍾意食芝麻做嘅食物,我聽人講芝麻對身體好,可以令髮質光亮,我就唔相信食髮菜可以以形補形。」蔣怡因為工作關係,經常要出席花生騷,故她不時會到髮型屋做頭髮護理。
而為蔣怡設計髮型的Sidney,亦相當滿意今次的效果,他日前說:「我哋好滿意佢嘅表現,佢梳咗呢個髮型,份外突出佢嘅輪廓,而攝影師Donald話蔣怡嘅鎖骨好靚,所以構思佢輯相時都要影埋鎖骨嘅部份。」

配合不同場合
Sidney續道:「今次幫蔣怡整頭髮大約用咗個幾鐘頭,都唔係太高難度,佢呢兩款髮型都可以配合唔同衣着,出席唔同嘅場合。」
採訪:比華利

蔣怡十分滿意髮型師為她設計的髮髻。

髮型師特別為蔣怡設計新髮型,拍攝宣傳廣告。

髮型師花了一個多小時才完成工作。

蔣怡過往喜歡留碎陰,因為她覺得自己的前額有太多碎髮絲。
資料圖片