古天樂首個個人音樂特輯邀請了不少圈中好友客串演出，更由影后級人馬李心潔飾演他的女朋友，而利嘉兒為了義助古仔，更差點奉獻了螢幕初吻給林雪。
古天樂的音樂特輯「古天樂音樂特輯之緣份咖啡室」，將於明晚在翡翠台播出，由於今次是古仔首次拍攝個人音樂特輯，所以他特別緊張。
為了增強聲勢，古仔使出多張人情牌，親自邀請多位圈中好友客串演出，包括林雪、楊千嬅、陳奕迅、李力持、谷德昭、梁家輝及利嘉兒等，而影后級人馬李心潔更會飾演他的女朋友。
在音樂特輯拍攝期間，就算沒有古仔的戲份，他都在場監督，相當認真。古仔昨日與一眾客串嘉賓，出席音樂特輯宣傳活動時說：「唔好話監督，因為今次呢個音樂特輯電影感重，所以請咗好多電影人，同埋今次大部份嘉賓係我請，啲嘉賓又唔熟地方，咁我咪落去招呼佢哋囉。今次係我首個個人音樂特輯，上次拍音樂特輯係同千嬅喺北海道拍，今次佢都應該幫番我，我都冇虧待佢。」
不過古仔坦言今次由李心潔擔任自己女朋友，開心之餘亦有不少壓力，他說：「影后幫我梗係開心，就因為佢係影后，所以好多人都好驚佢，其實同影后合作真係有壓力，不過心潔就好開心，可以咁短時間識到咁多人。」
此外，首次作螢幕演出的利嘉兒，認為做戲十分難，在音樂特輯中她還差點兒獻上螢幕初吻給林雪，利嘉兒說：「劇情講我係一個比男人更男人嘅女人，入面我同好女人嘅林雪做情侶，有一場戲講我哋想接吻，但係俾陳奕迅阻住冇錫到，嗰場戲差啲就送咗個螢幕初吻畀佢，如果真係我一世都會記得。」
採訪：楊潔雯 攝影：陳偉權
