由本地多位導演拍攝的抗炎短片，最近已播出，以陳可辛邀梁朝偉拍攝的《2003春天的回憶》最獲讚賞。而日前陳可辛接受女友吳君如訪問時，君如窒劉偉強所拍的短片是為《無間道Ⅱ》宣傳，雖陳可辛言語間為女友補鑊，但君如仍滔滔不絕。
由多位本地導演所拍、合共十一條的抗炎短片，近日已播出，當中就以陳可辛邀梁朝偉所拍的《2003春天的回憶》口碑最好。
日前陳可辛接受女友吳君如主持的有線娛樂新聞台節目《娛樂真相》訪問時，大談拍攝短片苦況。
梁朝偉在短片中，披一身冬裝於中環出現，但整個中環下着雪，儼如死城，大廈中每個人都戴上口罩。一班醫務人員在沉鬱的氣氛下努力救人，最後他們便用力敲破地上的冰塊，曙光初露，偉仔臉上笑容重現，而客串演出的有吳君如、黃貫中、杜汶澤、田蕊妮及張同祖等。
吳君如在節目中當然撐男友拍得好，但她卻窒劉偉強以《無間道Ⅱ》卡士拍短片博宣傳，陳可辛先在訪問中說：「劉偉強最平啦，佢喺現場（指《無間道Ⅱ》拍戲現場）拍嘅。」
君如聞言便笑說：「佢可以順便promote（宣傳）埋《無間道》。」陳可辛即補鑊說：「佢唔會……」但君如即反駁說：「乜冇呀？劉嘉玲、杜汶澤、余文樂同陳冠希喎。」
陳可辛又表示他花了五日時間拍短片，他希望以一個冬天背景帶出香港最初受噩夢影響，但最終炎冬過去，帶出生機無限的訊息，他更形容偉仔已經成佛，因對方身穿厚衣，大熱天時在中環拍攝時，竟沒流過汗，確實難得。
撰文：朱芷瑩
