本地有唔少出眾嘅高性能房跑車款，佢哋唔單止性能表現出眾，兼且重有一個討人喜歡嘅賣相㖭！惟一班準買家就算有意擁有的話，最終亦未必能夠成事噃！皆因香港部份汽車保險代理，為保障公司本身嘅利益，對呢類車款開出嚴苛嘅限制條款，有時重要加大Loading，因而令唔少人望而卻步呢！當中受害者之一，會係極受車迷歡迎嘅極品（Acura）RSX型號，若然唔係早前受到保險公司阻撓的話，相信賣車數字，又豈止現今錄得嘅數量呢！
然而，最近亞Mark向代理打聽過，話佢哋剛獲得某汽車保險公司支持，只要準買家合乎年齡、牌齡，以及一直有良好駕駛紀錄的話，若有意購入極品RSX，就完全唔使額外加Loading㗎！亞Mark寄望其他汽車保險代理，會重新評審何謂高風險車種，咪一竹篙打一船人，雙門車款例必BadList咁可笑啦！