踏正傍晚六時半，佐敦廟街、白加士街、吳松街、庇利金街一帶出現一幅超大型Banner，黃底黑字，大大隻字寫着「佐敦咖喱」，拉Banner遊行的是一班印度人，頭戴地盤帽兼一身黃色制服，好搶眼！他們邊遊行，邊用半鹹不淡的廣東話大喊：「佐敦咖喱，好好味！佐敦咖喱，好好味！」口號喊得好一致，原來是附近一間叫「佐敦咖喱」的食肆的拉客新招。
記者：陳漢榮
攝影：梁細權
經理Sam表示：「畀人哋紙（派傳單），唔得（沒用）！」所以三個月前開始拉Banner，搞噱頭，效果出奇地一流：「有好多Customer入嚟（多了街客光顧）！」所言非虛，店內一對外籍夫婦，就為此而來，問他們食物水準如何，小妹妹Cole答：「It'sOK！They'refunny！」說罷指着剛歸店的遊行隊伍，大笑。
確實惹笑，至少途人張小姐如是想，還嚷着要來個合照：「班差仔好搞鬼㗎，最過癮係啲唔鹹唔淡廣東話，笑到我反肚。」張小姐大笑，但拉Banner的卻笑不出，身為老闆的Hira喘着氣說：「Hot，好Hot！」員工Mahraz則叉着腰：「Banner……Heavy。」記者一試，果然重得交關，但老闆也出力，做員工的又可以奈何甚麼？
