繆非臨的童年在上海度過，直至十三歲才舉家移民美國。繆非臨是家中獨女，所以父親對她管教甚嚴格，她曾因為成績低於父親要求的九十分，不惜冒充父親簽名，結果被父親罰打屁股和困在家中密室。
繆非臨在上海出生，直至十三歲的時候，雙親為了讓獨生女兒可以接受良好教育，所以特別申請移民，但其實要到一個陌生的環境過新生活，繆非臨最初是很不願意，不過後來還是很快地適應了。
繆非臨的童年是在一個家教嚴格的情況下長大，她的父親很重視女兒的學業。繆非臨昨日說：「爹哋好緊張我嘅功課，每科都要求攞到九十分，試過我攞七十幾分，我都唔係好敢畀爹哋簽名，於是我咪自己冒認佢簽名，其實都簽得好似，老師都認唔出。不過就喺一次年終嘅家長會度，俾爹哋發覺有啲成績佢未見過，於是就發現咗我冒認簽名。」
繆父發現女兒冒充簽名，十分憤怒，他特別嚴懲繆非臨。她說：「我雖然已經十幾歲，但爹哋都一樣會體罰，佢會用一把尺打我patpat，然後又再困我喺屋企嘅密室，等到我肯認錯就放番我出嚟。」
繆非臨的父親很緊張女兒的學習情況，他要她在課餘時學習英文打字、書法、游泳、背誦唐詩和彈琵琶等，繆非臨說：「其實我細個好唔鍾意學英文打字，但爹哋就硬性規定我每日一段指定嘅時間練習，我於是出蠱惑，當爹哋出咗我間房，我就亂打，等佢聽到我㩒鍵盤時發出嘅聲以為我好勤力打字。」
繆非臨的父親亦不准女兒太早拍拖，於是她的初戀是發生在十九歲時，繆非臨說：「當年我喺美國讀書，初戀男友係我表哥嘅朋友，爹哋雖然批准我同佢玩，但都規定我定時定候返屋企。」
採訪：比華利
