自煮篇:<br>13蚊食唔肥低脂蛋糕意粉

自煮篇:
13蚊食唔肥低脂蛋糕意粉

暑假期間,年輕人多會留在家中看電視、吃零食,運動量會較返學少一點,所以更加要注重食物健康。羅家三姊妹有見及此,決定獻出她們的第一次,下廚煮兩味,以三星期的時間,設計了兩款分別以低脂為主的芝士蛋糕及意粉,自言饞嘴的她們話因為係低脂關係,即使食多咗都唔怕會致肥。
記者:伍旋卓
攝影:陳盛臣

羅家三姊妹嘉靖、嘉倩、嘉晴是中五、中六、中七的學生,暑假也要在家中溫習讀書,正因為多留在家中之故,運動量自然大減,如果再多吃高脂食物,分分鐘會癡肥,絕不健康。所以她們就趁放假期間,合作設計出兩個美味低脂菜式。

自己做平一半
她們笑說,外間所賣的所謂低脂食品,味道很淡,不適合自己口味,加上潮流興減肥,一旦標明是低脂食品,價錢就會很昂貴,學生哥們根本負擔不來。所以設計菜式時,會考慮到要以價錢平,做法簡單快速為主。

習慣飯後芝士蛋糕
「我哋三個都鍾意喺飯後食甜品,特別鍾情芝士蛋糕,要食到好味嘅芝士蛋糕,一件閒閒哋要二十零至四十零蚊,但自己做就平一半有多。」三姊妹合作首次做的芝士蛋糕,味道尚算不俗,亦具吸引力,小記連氣吃了兩件。至於意粉,因為選用煙三文魚魚尾較瘦的部份,食落又不覺膩,配以意粉同煮,令意粉更添美味。

鮮果芝士蛋糕$28
(4人份量)
一般芝士蛋糕是用上全脂忌廉芝士,經常食的話,可能會令身體變得更加肥胖,其實巿面上可以買到低脂忌廉芝士,其卡路里只是一般芝士的四分一,脂肪含量更少至近零。不過低脂忌廉芝士味會淡一點,為了加強蛋糕的香濃味,可加一點用鮮果打成的果醬或在餅上多放一點生果。

用咩料:
低脂植物牛油 25克
消化餅 100克
魚膠粉 135克
檸檬皮及汁 1個
低脂忌廉芝士 200克
蛋白 2隻
低脂乳酪 100毫升
士多啤梨 4粒

好易煮:1﹒把消化餅放在保鮮袋內壓碎;煮溶牛油,熄火,加入消化餅攪勻。把消化餅鋪錫紙盤內,用湯匙背壓實,放進雪櫃冷藏。

2﹒用150毫升沸水溶解魚膠粉,加入切碎檸檬皮及汁。

3﹒芝士弄至軟身,加入低脂乳酪及魚膠粉溶液攪勻,再慢慢加入預先打至企身的蛋白,倒在餅底上,放入雪櫃雪至凝固。

4﹒鋪上士多啤梨或果醬作裝飾。

煙三文魚魚尾意粉$24(4人份量)
今次所煮的意粉分別用上低脂芝士,並加入煙三文魚魚尾、紅洋葱等煮成,吃來味道很鮮,但不覺肥膩,最重要是煮法簡單,約20分鐘便可完成,加上三文魚低脂而又有營,小朋友都會好啱食。

用咩料:
煙三文魚魚尾 100克
意粉 1/2包
低脂芝士 2片
番茄 3個
紅洋葱 2個
蒜頭 2個
大蒜 1條




試食心聲:

好易煮:1﹒番茄放熱水內煮約5分鐘,待凍後去皮,用攪拌機攪碎。意粉放淡鹽水內煮約8分鐘,熄火,蓋上煲蓋再焗約2分鐘。

2﹒將紅洋葱、大蒜、蒜頭切幼粒,用橄欖油爆香,放回鮮茄醬,加少許砂糖調味。

3﹒最後放回煮好的意粉炒勻,待炒至乾身收水,鋪上三文魚魚尾片和低脂芝士。

4﹒放入微波爐內再焗約2分鐘,待芝士溶解和三文魚表面呈金黃色即完成。

細妹嘉靖:之前好怕食洋葱,但估唔到將佢混入茄醬內又會咁香。

大家姐嘉倩:芝士和三文魚混合埋嘅香味,令意粉更香滑,好味呀!

二妹嘉晴:一般低脂芝士蛋糕味道會較淡,加入自己鍾意嘅生果,例如士多啤梨或果醬,即時令蛋糕變得更香濃。