古天樂早前拍攝電影《豪情》，其中一幕戲要與六位裸女互相對望，古仔為免尷尬，除了正式拍攝外，其餘時間全程低頭望着地面，不過古仔亦盛讚一眾對手十分專業，絕對不會發生色誘事件。
古天樂與陳敏之及陳霽平等，昨日到九龍塘出席「TimberlandHallofFame」揭幕儀式，古仔表示現時正忙於拍攝電影《豪情》，日前有一場戲講述他與周麗淇在泳池邊拍短片，對象是六位袒胸露臂的裸女。
面對眾裸女，古仔稱拍攝時並沒有特別尷尬的感覺，他昨日說：「其實佢哋都唔係完全裸晒，都有啲係披件輕紗，同埋全程浸喺泳池裏面，排戲時都有毛布外套圍住，到拍時先除衫，講真就冇特別尷尬，冇乜必要我都低頭望住地下，再加上場戲要講好多對白，所以全副精神都用嚟記對白。」
那麼古仔拍攝時可有受到色誘？他說：「呢場戲係有必要去拍，唔係刻意去做暴露鏡頭，所有對手都好專業，當然冇色誘嘅事發生啦！」
《豪情》稍後會到澳門某夜總會取景，到時會有真正的公關小姐客串演出，此外還有一場戲會有一百個裸女同時在泳池出現，對此古仔說：「呢場一百個裸女嘅戲可能會喺澳門或者台灣拍外景，場戲有咁多女人，到拍時更加只可以望地下，因為隻眼去到邊都會望到裸女。」
採訪、攝影：魯萍
