「職業治療師已經約咗我下星期一做評估，希望佢哋可以快啲幫我搵到一部合適嘅電動輪椅，等我唔使咁悶，有機會出吓街。」正使用手動輪椅的阿忠語帶希冀地說。
四十二歲的伍德忠，自幼罹患肌肉萎縮症，惟近五年病情迅速惡化，四肢肌肉萎縮乏力，起居生活全賴家人照顧，在迫於無奈下，阿忠惟有辭去文員工作，在家中專心養病。由於欠缺電動輪椅，阿忠近五年來鮮有外出，生活感到相當枯燥乏味。
阿忠歎道：「上兩個禮拜生日，想同媽媽、妹妹出去食餐飯都冇可能，因為我部輪椅好重，屋企附近又多斜路，佢兩個根本就唔夠力推我；𠵱家我日望夜望，就係等家務助理先生嚟，佢幫我沖涼之餘，又會推我落公園行吓，雖然每次都係得十分鐘，但我已經好開心。」
阿忠深信，只要擁有一部電動輪椅，他便可以自由出入，甚至有機會上班工作，可是單身的他，現經濟上全賴其任職文員的妹妹支持，要自費購買一部數以萬元計的電動輪椅，對他來說，實在是一個奢望。善長點滴的捐款，將可改變阿忠的命運，盼請讀者慷慨支持。
捐款編號：C1048
暖流熱線
電話：29908688
傳真：23702192
電郵：
網址：