德國奧迪車廠新推出嘅A8車系，一直憑着豪華轎車形象而深入民心，但其引擎配搭則只有3.7及4.2公升型號供選擇，或未能迎合部份用家要求；廠方有見及此，於日前便宣布為A8車系推出3.0公升版本，以滿足不同用家嘅需要。
雖然全新A83.0嘅外觀及車廂布局，與原有型號相近，不失一份豪邁色彩，但內裏嘅動力心臟，卻改換上一台2976ccV6引擎，動力輸出數值分別為馬力220ps/6300rpm，以及扭力為30.6kgm/3200rpm，輔以一套6前速Multitronic半自動波箱及前輪驅動模式，性能表現可謂毋庸置疑；加上極輕嘅鋁合金車體，難怪新車0至100公里加速度僅為7.9秒，而極速更達242km/h咁快啦！不過，最重要嘅係耗油量較前來得更低，僅為9.6L/100km，比原有配用3.7或4.2公升偈嘅型號來得更慳油，實在適合一班講求經濟嘅用家呢！唔知香港代理方面，何時會將之引入呢？