楊紫瓊（Michelle）昨日到金鐘西武，出席一個關懷愛滋慈善籌款支票頒贈儀式。剛由日本拍完電影《飛鷹女俠》返港的她，今日會返回家鄉馬來西亞探望父母，Michelle說：「我自從過年之後都未見過佢哋，套戲因為沙士關係，令到我留喺北京返唔到香港，不過今次喺大馬都係逗留四日，𠵱家正計劃九月放假。」問Michelle打算到哪兒度假？她說：「我都係放十日左右，會同幾個朋友去一個冇電話同冇電視嘅地方。」
此外，西班牙勁旅皇家馬德里日前旋風襲港，Michelle亦有幸於慈善晚宴上一睹眾球星的風采。
問她可有與球星合照時，Michelle笑說：「我一心支持公益金咋，雖然我都好鍾意足球，但唔係瘋狂，同埋當晚大會一早講明話唔好去影相，我好尊重大會。我喺洛杉磯宣傳電影《新鐵金剛之明日帝國》時，都見過碧咸個老婆Victoria㗎。」
採訪、攝影：馮美茵