話題日本電影《大逃殺II》今日上映，該片已故導演深作欣二的兒子兼影片的共同導演深作健太，日前接受專訪時，透露五歲已跟父親入片場，立志繼承父業。
現年三十歲的健太，三年前在《大逃殺》已跟父親合作，當時他擔任編劇和監製，今次在《大逃殺II》中亦與父親並肩作戰，並在欣二逝世後肩負完成影片的重任。
受到父親影響而熱愛電影的健太說：「爸爸係我最欣賞嘅導演，五歲嗰陣我已經跟佢入片場睇佢拍戲，我見到平時喺屋企好文靜嘅佢，喺片場變得好有魄力。電影能夠改變一個人嘅性格，真係好神奇，所以我亦立志要做導演。」
事實上深作欣二去年發現患上癌症時，對電影熱情未減，他去年為《大逃殺II》開鏡前做足籌備工作，由選角至綵排都親力親為，教年輕演員念劇本時更七情上臉。
至今年一月十二日，電影開拍了不足一個月之時，深作欣二與世長辭，兒子健太全力接管此片，更攜同父親的骨灰到片場開工。
憶述與父親的合作時，健太說：「爸爸係一個好開通嘅人，由細到大我哋一齊睇漫畫。初中畢業時，我同爸爸一齊去香港玩，住喺半島酒店好豪華嘅房，我哋重一齊浸喺好大嘅浴缸裏面。大個之後，佢亦係我把酒談心嘅好友。拍片時自己對卡通漫畫嘅觸覺，注入爸爸嘅暴力美學，重能夠產生化學作用，我相信《大逃殺II》係冇令爸爸遺憾嘅作品。」
健太認為父親是他的電影啟蒙老師，教曉他拍攝好的電影，是要傳達鋤強扶弱的訊息，亦正是《大逃殺II》要表達的主題。現已接管父親的「深作組」電影公司的健太透露，在未開拍《大逃殺II》之前，父親渴望將著名漫畫《TheWorldIsMine》拍成電影，健太期望有朝能圓父親這個遺願。
特約記者森林檎東京直擊
