名模翁為德早前誕下一對可愛的孖仔，她產後特別回港接受收身療程，經過一個月的努力，終於回復苗條身形。翁為德表示，早前因為太肥，怕「影衰」一對囝囝，未敢跟他們合照，現在回復驕人體態，即可返回美國拍攝全家福合照。
名模翁為德自從誕下孖胎後，身形肥胖了不少，她為了回復纖瘦身形，不惜撇下丈夫鄒兆龍和一對兒子在美國，獨自回港接受皇室纖形的收身療程。
經過一個月的努力，翁為德成功減磅，她昨日在電話中說：「我由產前嘅二百零六磅減到一百二十六磅，未來我都會做番模特兒嘅工作，不過首先我會返去美國同家人團聚，我真係好掛住佢哋。」現時翁為德希望以最靚的姿態與一對孖生兒子拍照留念，她說：「我瘦番就唔會影衰佢哋啦！」
上周四（七日）是翁為德的生日，由於她要參與錄影工作，工作人員特別替壽星女舉行神秘生日會，翁為德說：「生日嗰日，老公打長途電話畀我，佢同我唱生日歌，而一對囝囝就咿咿哦哦咁和應，呢份已經係最好嘅禮物。」
鄒兆龍於本周一（十一日）牛一，與太太翁為德的生日只相差四天，所以兩夫婦自拍拖後都不會互相送生日禮物，翁為德說：「尤其係𠵱家，我哋多咗一對囝囝，所有開支都打孖上，可以慳啲就留番做囝囝未來嘅教育費。」
採訪：比華利
