陳奕迅（Eason）年前發表不買四大天王唱片，引起不少爭議，昨日他與天王郭富城出席新片《重案黐孖Gun》開鏡，兩人似乎已忘記之前的恩怨，在場有說有笑。
由郭富城、陳奕迅（Eason）、王傑、鄭希怡（Yumiko）和黃品源主演、林超賢執導的《重案黐孖Gun》，昨日在北角政府物料供應處舉行開鏡禮。
去年Eason曾發表過拒買四大天王唱片的言論，一度掀起軒然大波，最近他與其中一位天王城城合作拍片，兩人看來並無芥蒂，城城更主動與Eason交談。
當兩人被記者追問此事時，城城笑說：「我都冇放喺心，我同Eason都幾啱傾呀！喺呢部戲入面，我同佢都係做差佬，而廖碧兒就係我嘅野蠻女友。噚日拍咗場我俾女友咬傷手臂嘅戲份。」
城城除接演此部戲外，稍後亦會接演杜琪峰執導的動作片，其他演員還有古天樂、陳小春和梁詠琪，他在下半年將專注拍戲。
對於有傳城城接拍李修賢的新片，降價收一百萬片酬，昨日城城否認有其事。
此外，對於本報昨日報道英皇娛樂願意出價二千五百萬挽留Eason續約之傳聞，Eason沒有加以否認，他昨日說：「𠵱家我哋係傾緊續約，但係咪用二千五百萬包薪就唔講得住，續唔續約我重未諗掂，其實續約與否我係睇長遠發展，唔係純粹向錢看，最重要大家要坦誠同取向一樣。」
採訪：魯萍
攝影：陳偉權
