自從政府下定決心要救樓市之後，房屋協會就成了第一個犧牲品，既唔畀地，又唔准撈過界入大陸發展，更唔准賣樓，搞到行會前成員兼房協主席鍾瑞明佢哋冇啖好食。
今日房協終於有機會出吓前台，正式為「長者安居樂」住屋計劃賣廣告。八方噚日去過呢個位於將軍澳嘅老人屋「樂頤居」參觀，又真係幾正，同酒店差不多，有專人照料起居。「終生長住價」由二十幾至六十萬元，一個人住又得，兩夫婦亦可，相信唔少中產退休人士都會有興趣，更適合孝順仔女買來孝敬雙親。
為咗加強宣傳，房協今日搞老人家時裝表演，請咗幾位知名人士包括李香琴同朱維德到場，協助推廣。示範單位周五開放。
傳真︰2623-9278
電郵︰