唐英年做咗財政司司長，佢老友自由黨主席田北俊梗係替佢高興，連已經退休嘅徐四民，最近都貼唐公子係第三屆特首大熱門，又話曾蔭權同吳光正都幾有潛質。
不過田少對咁快有人買唐公子，就有少少保留：「慢慢嚟，早啲講，早啲衰。」至於點搞財赤，田少笑笑口話，唐公子自己識做，自由黨亂咁幫手，咪盞愈幫愈忙！不過佢都話，日後唐公子有乜「粗重工夫」，「好似公務員減人工，咪留畀我哋自由黨做！」
田少又話，𠵱家唐公子最煩，怕且未必係財赤，而係點由九龍塘「大屋」，搬去財政司官邸間「細屋」，田少建議唐公子不如搞「兩頭住家」：「屋企人住番九龍塘，大小宴會就喺官邸，反正佢啲紅酒都搬唔到去官邸。」
傳真︰2623-9278
電郵︰