世界上最頂級嘅蘇格蘭威士忌皇家禮炮RoyalSalute，為咗慶祝英女皇伊利沙伯二世加冕五十周年，噚日喺香港搞咗個傑出成就人士至尊獻禮，向四名有傑出成就嘅港人致敬，重將一樽名為皇家禮炮50年嘅佳釀運到香港出售，為香港公益金籌款。皇家禮炮50年嘅來頭非常巴閉，全球只有二百五十五樽，每樽都有獨立編號，運嚟香港嗰樽叫18?255，售價港幣六萬八千八百八十八元。買到呢樽名酒嘅喜運佳鐘表集團常務董事梁青華同八方講，會將呢樽酒同其他人分享；而生產商芝華士兄弟首席調酒師科林．史葛就賣花讚花香，話呢隻威士忌係喺十年前從芝華士酒庫中珍藏咗四十年嘅佳釀調合而成，氣味濃郁甜美，八方都想試吓。
傳真︰2623-9278
電郵︰