【本報訊】雖然前日法院頒布履行責任令，要求房委會即時依例檢討公屋租金，不過市民對於房委會是否要減租的問題意見不一。昨日不少市民致電電台節目上表達意見，認為現行租金已屬低水平，不應再要求政府補貼。
多名公屋居民昨早致電到香港電台《千禧年代》及商台《風波裡的茶杯》節目表達意見，有市民認為入住公屋已享有很大福利，不應再要求政府減租。
其中一名聽眾王先生說：「我住咗公屋好耐，無公屋我就無今日，𠵱家公屋租金已經好低，如果買咗公屋，每個月都要交成八百蚊管理費同差餉、地租，同交租差唔多。」
聽眾張女士說：「申請到公屋真係好似中咗六合彩咁，以前住私樓儲唔到錢，𠵱家交少好多租，住得公屋已經好好，唔應該再要納稅人補貼咁多。」坪石邨居民葉先生認為，當局應按每個公屋戶的入息情況來徵收租金，以示公平。
聽眾何太更指：「連公屋都要由納稅人補貼，香港重畀到納稅人乜嘢？我哋中產階層除咗攞政府九年免費教育外，就咩都自己搞掂，我真係頂唔順！」
捍衞基層住屋權益聯盟發言人張文慧表示，準備發起居民大會收集意見，以決定下一步行動。她說：「房委會打輸官司後，多咗好多居民支持我哋，由最初嘅二十多個屋邨，𠵱家有超過三十個屋邨，市民有不同意見唔出奇，但事實係住得公屋嘅人，富貴極有限啦！」
身兼居民顧問律師的立法會議員何俊仁說：「𠵱家係有條法例響度，房委會唔可以唔依法辦事，居民人工減咗，私人樓租金又大跌，點解公屋租金會唔減，好多人可能俾房委會搬出嚟嘅赤字嚇親，但房委會赤字係同公屋租金無關。」