十蚊店的概念源自日本的100Yen店，最初十蚊店進駐香港時，的確引得人頭湧湧，但如今十蚊店成行成巿，消費者開始在十蚊森林裏迷失方向，到底邊間真正做到物超所值，益街坊呢？總離不開日本大集團撐腰，次次大規模定貨，月月入新產品的日資十蚊店。睇睇本星期有乜新貨至Fit一家要求先！
記者：楊一凡
攝影：伍慶泉
浸浴粉、浴鹽、木醋以及沐浴油珠，統統十蚊，每日浸不同香味，成個月的支出只是幾十。
夏日分泌旺盛，送支泡沫潔面膏、蘆薈鬚後啫喱畀爸爸，讓一家之主涼快吓。
除了不同度數的老花鏡，現在還有小盒裝隨身帶老花鏡，輕巧方便。
細路仔創意爆棚，買幾色閃粉和亞加力顏料，平平哋發掘小朋友的美術潛能。
吉之島十元廣場
電話：23826616
地點：九龍城賈炳達道128號九龍城廣場一樓111店