近年本港市況低迷，消費者嘅購物心態，都變得精打細算，就連買車嘅模式亦相若㗎！上星期，亞Mark曾經同大家提過，話寶馬7系𠵱家嘅賣價，會快將於8月18日調升，以彌補近排歐元高企嘅差額嘛！想唔到消息傳開不久，外間反應會來得咁迅速，亞Mark聽聞家陣寶馬部735Li同745Li嘅配額，經已全數售罄，現今只剩餘為數約20部嘅730Li配額咋！講豪華程度同配套設備，呢款寶馬730Li跟同系車款，都可謂不遑多讓，然而家陣賣價仍維持響74萬2千多，若然賣完的話，下周一新價將會調高至接近86萬咁多，今勻真係有買趁快喇！