盂蘭節前夕，相約阿Yu與熱血Fans，大戰360回血濺盂蘭！冇咁恐怖，只係WarGame。阿Yu（趙頌茹）初時神情呆滯，口中念念有詞：「我好驚打WarGame㗎！」一陣陰風飄至，配合場內黃綠暗燈，應節非常。「黐線㗎啲人！攞起支槍就癲晒狂掃，上身咁㗎！」然後行勻全場搵地方匿。「我可唔可以戴自己頂黑Cap，或者俾個黑Mask我吖！呢啲Mask咁Sharp，好易俾人發現㗎！」
採訪：陳慧敏 攝影：陳盛臣
插圖：Pan 場地：戰略特區
逢星期一至四出版
原來阿Yu的WarGame陰影來自E-Kids同譚詠麟，話說有一次佢哋大戰，「癲仔」E-Kids見人就射，阿倫的遠距狙擊就百發百中，嚇到阿Yu由頭匿埋匿到落尾。混戰間E-Kids親族相殘全軍覆沒，留下阿倫阿Yu終極對決！「輸咗啦！我一走出嚟就俾佢射中喇！」
為免再度慘敗，阿Yu決定今次要做神出鬼沒狙擊手。戰鼓一響，阿Yu一個閃身，已經隱身於黑箱之中。攝影師說要拍幾張開戰相，阿Yu警戒的露一露臉又再隱身，神秘非常。只見外頭4位Fans飛撲跳射，突然不知哪來一彈，原來阿Yu趁混戰閃到男FansLion頭頂偷擊，重射完即閃，全員目標變成追捕阿Yu！結果，大混亂，邊個贏？唔知，不過阿Yu就話又驚又開心。
其實打WarGame，衣着方面都沒甚麼限制，最緊要係有個Mask保護自己。不過要做No.1狙擊手，造型當然不可以馬虎，除了型仔入戲外，選件好衫即使中槍也沒那麼痛嘛！
雖然只係玩，但係全副武裝始終玩得更投入，而且型仔啲，氣勢都贏咗先啦！
「蛤乸衣好型！打Outdoor就要迷彩啫，呢度咁黑梗係要件全黑啦！扮油桶都重得呀！」阿Yu怪論。
傳統厚料，用的都是風褸型透氣布，俾子彈打中都冇咁傷。而且最大賣點是夠便宜，最啱不是常常打WarGame的你！
似波衫多於WarGame衫，質料非常輕且透氣，方便活動，最啱鍾意鬼鬼祟祟偷襲的你。不過俾子彈打中就咪話唔甘！
別想扮有型唔戴Mask，無論Indoor定Outdoor，俾子彈傷及眼就一定冇得醫，所以一定要選得好小心！
室外Mask
室內外WarGame衫可以溝亂用，但奉勸各位不要用室外網狀Mask打室內戰。顏色容易彈入眼之外，也較難清洗！
下巴位較貼面，視界也較闊。但耳仔位可以調校「收風」，接收前後同伴的暗號較清楚。
下巴位用的膠較軟，且不貼面，適合近距戰。
Basic款，各方面都不突出但勝在夠平均，實為經濟之選。
室內彩彈槍一定要訂購，以下兩款可供選擇，氣樽則要另配。
當然有電力推動，雖然射程和一般槍差無幾（改裝另計），但勝在可連發三彈，威力已大三倍！
基本配備有齊，可以自己Setting，例如氣樽大小等等。
（a） 戰略特區
佐敦彌敦道348號大華酒店商場地庫二層
23886900
（b） 三軍氣鎗軍事用品店
九龍旺角廣華街1號
23881444
