記者再次來到蘇家探訪，發覺內裏已沒有一點被祝融光顧過的痕迹，只有一陣濃烈的油漆氣味。「𠵱家重裝修緊，要等下個月先可以搬返嚟，暫時重住喺阿媽度。今次裝修都係啲朋友用私人時間幫我哋整，收得好平，不過我都要問親戚借錢。」蘇太說。
蘇家近來可謂「頭頭碰着黑」，三十九歲的蘇先生任職地盤散工，支撐妻子以及三名年齡十至十七歲子女的生活，惟他卻長期處於半失業狀態，數月來開工不足十天，經濟早已甚為緊絀。本年六月，蘇家家中不幸失火，全屋付諸一炬，損失慘重，無力重建家園。蘋果日報慈善基金曾撥款一萬元緊急援助金予他們應急。蘇太說：「先生𠵱家又冇工開，我哋同社署聯絡緊，睇吓可唔可以暫時申請綜援度過呢個難關先。」
近日蘇家獲善長捐款合共四千九百三十元，原本愁容滿臉的蘇太雀躍地說：「咁啱呢幾日第二女問我攞錢買新學年嘅書，佢九月就升中四，買書都要二千幾蚊，𠵱家有呢筆善款我唔使煩，真係多謝晒。」 捐款編號：C0961
暖流熱線
電話:29908688
傳真:23702192
電郵:
網址：