夏日炎炎，人人想唞暑，點知老董鬼咁勤力，日日見人，今日就忽然輪到見早餐派議員，因為特首聽日唔得閒，唔知係咪要出埠。
李家祥同八方講，未知今日會講乜。佢重笑好彩今個暑假冇外出，否則點可能隨傳隨到。原來李家祥個女由英國返港，𠵱家正喺滙豐做暑期工，李生李太愛女深切，於是冇外遊。
講兩講先記得李家祥個女又係牛津高材生，修讀政治經濟哲學，八方話入到牛津成績一定好好，點知李家祥好謙咁話，係香港學生愈嚟愈叻啫。
李寶怡舊年ALevel攞住六支火箭入牛津，佢同馬時亨個細女同讀英國著名女子寄宿學校WycombeAbbeySchool。
呢間私立中學來頭不少，創立於一八九六年，位於倫敦以西，被英國《星期日泰晤士報》列為寄宿學校第一名，唔怪之得出咁多叻人。
（圖）李家祥兩夫婦不嬲好錫個女（右），今年暑假亦為寶貝女留港冇外遊。 資料圖片
傳真︰2623-9278
電郵︰