深圳一帶近日電單車搶劫案肆虐，港人阿莉慘成為受害者之一。「嗰日我返惠州探屋企人，夜晚坐朋友嘅電單車出街，突然間有另一架電單車駛埋嚟我哋身邊，俾佢扯一扯，我就成個人碌咗落地，之後就冇晒知覺，乜都唔知。」阿莉說起一個月前的經歷，猶有餘悸。
二十一歲的阿莉，事後被送往惠州市中心人民醫院急救，一度昏迷，包括頭顱及右手骨骨裂，左耳出血，四肢多處撞瘀、擦傷等。
由於當地的醫療費用昂貴，加上設施不足，阿莉返香港求醫，目前仍要接受專科診治。「醫生話我嘅頭骨同手骨嘅裂痕已經開始慢慢愈合，所以暫時唔建議我做手術，不過，要完全好番晒，可能重要休息兩、三個月，經濟好成問題。」
阿莉任職倉務員，月入約五千餘元，一直是家庭的經濟支柱之一，需要供養居於內地的老父和弟弟。現一家的生活暫靠其在醫院當清潔工人的母親維持，經濟極度陷困。
阿莉表示：「媽媽每個月得四千幾蚊人工，根本維持唔到兩頭家，加上𠵱家我成日要睇醫生，醫藥費都唔少錢，近排嘅生活費都要問朋友借，之前喺大陸借落嗰六千幾蚊住院費又未還，真係好困難。」
鑑於經濟拮据，阿莉窮困得連米糧也要由社工轉贈，並由社工轉介向本報求助。蘋果日報慈善基金了解過阿莉的處境後，即時發放一萬元緊急援助金，助她暫時應付生計及醫療費。
捐款編號：C1064
暖流熱線
電話:29908688
傳真:23702192
電郵:
網址：