「點解香港治安咁差㗎？」
新移民女子夜歸被劫

【本報訊】一名身穿冶豔裝束的新移民女子，昨凌晨返回油麻地住所途中，遭獨行肥賊持刀行劫𠝹傷，失去數百元財物。她負傷跑往附近向報檔東主求救，其間受驚過度涕淚漣漣，不斷埋怨本港治安差，警員事後將她送院，敷治後無礙。

穿露背裝獨回家
昨凌晨四時許，剛來港定居穿上露背裝的姓葉（三十二歲）內地女子，獨自步返偉晴街八號住所，在大廈地下遭獨行肥賊持生果刀指嚇行劫。女子反抗不果被𠝹傷，只好就範交出九百元現金。賊人得手後逃去，她則跑往附近報紙檔求救。
女事主左手虎口及手指受傷，嚇得情緒激動飲泣，又頻呼：「好驚呀！點解香港啲治安咁差㗎？快啲叫公安嚟拉晒啲賊啦！」熱心街坊見狀替她急救及好言安慰：「其實香港啲治安唔係咁差，放心啦！差人好快就嚟㗎喇！」說罷警員便趕至將她送院，事後在附近兜截無果。