前綫召集人劉慧卿唔理得外界點睇，一於今日啟程去台灣，出席由李登輝同台聯主席黃主文等台獨人士所組成嘅群策會舉辦嘅研討會。
個研討會嘅題目叫做「一國兩制下的香港」，卿姐將主講「香港新聞自由的現況與未來」，又真係開正佢大姐個瓣。個研討會星期六、日先舉行，卿姐提早去原來係另有安排。
抵埗後黎昌義同鄭安國兩位中華旅行社前總經理會同佢洗塵，之後又會見陸委會主任蔡英文以及台北市市長馬英九。正如卿姐講，反正大陸都唔畀佢返去，重怕乜嘢俾中方針對。至於另一個唔怕被針對嘅民主黨議員涂謹申，佢目前人在日本度假，星期四就會返港再去台灣歸隊。
傳真︰2623-9278
電郵︰