自由黨主席田北俊早前為黨員唐英年榮升財爺感到高興,可惜唔到二十四小時,呢位創黨會員竟然宣布退黨,你話幾冇癮。八方本來想搵田少攞反應,點知張宇人話佢已經去咗旅行,今日先返香港,睇吓會唔會有新嘢講。
唐公子都幾奇怪,做局長就唔退黨,升咗官就急急退,莫非政黨真係咁大負累?究竟係老董嘅要求,抑或要安撫民建聯,就真係只有唐公子自己知。
張宇人又話,自由黨好尊重唐英年嘅決定,相信佢已經衡量過輕重,決定一定唔易做。有政黨中人就話此風一長,即係政黨想變成執政黨都幾難,因為未到位,已經退晒黨;人哋重會誤會政黨係唔好嘅嘢,真大鑊。
所以唔怪得調查顯示,做獨立議員有着數。
傳真︰2623-9278
電郵︰