盧巧音(Candy)昨日到大潭參與商台舉行的「903全運會滑水比賽」,憑着她的滑水技術,終於令歌星隊勝出。由於昨日是農曆七月十五,所以Candy出海前先取出三支煙向四周拜一拜,事後Candy說:「好彩我拜一拜咋,唔係頭先都唔會出太陽啦!所以喺呢個時節大家出街要小心啲。」
Candy滑水時本穿上一件T恤,但不久就即場脫去T恤,僅以三點式泳裝示人。不過,Candy上岸時又擔心成為傳媒焦點,頻頻護胸,就連在旁的船家亦取笑Candy不用遮。Candy說:「我又冇南半球,又冇北半球,我𠵱家豁出去嘞,你哋影啦。」
Candy表示平日會相約朋友玩滑水,她笑言朋友中以何超儀玩得最叻,而陳奕迅亦相當不錯,不過近日梁敏儀就因出海撞傷眼,Candy說:「我隻眼之前受傷可能都係咁,因為有時撻落水會撞落隻眼度,我就試過撻到塊面好似關公咁,所以媽咪都叫我唔好再玩。」
採訪:黃連連
攝影:陳慧安