黎思嘉和妹妹小時候感情頗佳，她們會一齊偷用母親的化妝品，不過當有利益衝突時，兩人則會揮拳互打，黎思嘉甚至趁妹妹在廁所時，把對方困在裏面，直至她大吵大嚷才放她出來。
黎思嘉和比她細一歲的妹妹自幼感情很好，但兩姊妹偶爾會因為爭玩具而吵架。黎思嘉的母親在二十歲時便產下她，所以現在三母女出街看起來像三姊妹。
問到黎思嘉的童年趣事，她昨日說：「我同妹妹基本上幾好，總之好起嚟係糖黐豆，唔好起嚟就水溝油。」一旦有利益衝突時，兩姊妹會很兇狠，她說：「妹妹會好大力咁扯我啲頭髮，而我就會趁佢入咗廁所，將廁所門閂埋，困住佢喺裏邊，直至妹妹大吵大鬧，我先會放佢出嚟。」
當年妹妹亦有向母親投訴，黎思嘉說：「媽咪都會偏心我多啲，不過當我做錯事，媽咪亦會用藤條打我哋手板，唔知係咪細個畀媽咪打手板打得多，我𠵱家手指尾都有啲彎。」
黎思嘉小學時是一名品學兼優的好學生，五年級時更考獲全級第一名，她說：「嫲嫲知道好開心，佢獎我去泰國旅行，而爹哋就獎我一座全新鋼琴，我當時都好感動。」黎思嘉表示其父是位家庭觀念很重的人，每當假日都一定會安排全家人往戶外活動，共敍天倫之樂。黎思嘉說：「我最難忘係一家人去沙田彭福公園旅行野餐，真係好開心。」
採訪：比華利
