講開漫畫，兩人齊說愛看《狐忍Naruto》，而且各有偶像。Steven鍾意狐樣主角渦卷鳴門同神秘溫柔的阿白：「佢哋兩個性格好似唔同，其實都好重視朋友，鳴門又搞笑喎。同我都幾似㗎！」而Kenny就同小記一樣，講起冬菇頭阿李就興奮到死！「阿李！我鍾意啲好努力好努力咁令自己達成目標嘅人，而且又重義氣！最尾佢廢晒武功，好慘呀！」
講完漫畫，又講講Boy'z的另一至愛——食。Steven：「我除咗識整壽司，最叻就係煲湯！」Kenny打蛇隨棍上：「我最叻係飲清Steven嘅湯！」簡直係天作之合！之前還有Fans送了本湯水食譜給Steven，甚麼金針白木耳雞蛋湯、黑芝麻豬腳湯，幾騎呢都有。那Steven的拿手絕活又是甚麼湯呢？Steven潤Kenny：「罐頭粟米湯！」
